Витамин Д гэж юу вэ?
Витамин Д нь хүний бие махбодийн хэвийн үйл ажиллагаанд зайлшгүй шаардлагатай тосонд уусдаг аминдэм юм. Витамин Д нь кальцийн шимэгдэлт болон яс, булчингийн хэвийн үйл ажиллагаа, дархлаа тогтолцоонд чухал нөлөөтэй байдаг.
Витамин Д-г хаанаас авах вэ?
- Нарны хэт ягаан туяаны үйлчлэлээр
- Хоол хүнсээр буюу сүү, цагаан идээ, өндөг, далайн гаралтай бүтээгдэхүүн түлхүү хэрэглэснээр
- Хүнсний нэмэлт бүтээгдэхүүнээс авч болно.
Манай орны газар зүйн байршлаас хамаараад нарны хэт ягаан туяанаас витамин Д авах боломж хомс, хоол хүнсэнд агуулагдах витамин Д-ийн хэмжээ маш бага байдаг тул витамин Д-ийн дутагдалд орох эрсдэл өндөр байдаг.
Витамин Д-н дутагдалд орох эрсдэлтэй бүлгүүд:
- Хөхний сүүгээр хооллодог нярай: 1 литр хөхний сүүнд 15-50 ОУН витамин Д агуулагддаг учраас витамин Д-ийн хэрэгцээг хангах боломжгүй гэж үздэг.
- Жирэмсэн болон хөхүүл эмэгтэйчүүд
- Өнгөт арьстан
- Өндөр настан. Өндөр настай хүмүүсийн хувьд арьс витамин Д нийлэгжүүлэх чадвараа алддаг бөгөөд дотоод орчинд ихэнх цагийг өнгөрөөдөг тул витамин Д-ийн дутагдалд орох эрсдэл өндөр байдаг.
- Нарны гэрлээс хязгаарлагдмал хүмүүс. Нарны гэрэлд бага гардаг ажил мэргэжилтэй хүмүүс, шашны улмаас урт хувцас өмсдөг хүмүүс
- Ходоод гэдэсний тайруулах мэс засалд орсон болон төрөлхийн хоол хүнсний шимэгдэлт алдагдалтай хүмүүс витамин Д-ийн дутагдалд өртөх эрсдэлтэй.
Дараах тохиолдолд витамин Д уухыг хориглоно.
- Бөөрний архаг өвчтэй
- А витамин уусан бол 14 хоногийн хугацаанд уухгүй байх
- Цусан дах Д витамины хэмжээ их байгаа тохиолдолд
- Цусан дах кальцийн хэмжээ их байгаа үед
- Зуны улиралд буюу 6-9 сард уухгүй.
- Иймд та цусан дахь витамин Д-гээ шалгуулсны дараагаар эмчийн зөвлөсөн тунгаар витамин Д-гээ хэрэглээрэй.
Девит-3 30.000 ОУН/мл туншилтай тарилгын уусмал
Идэвхт бодис: 1мл ампулд 7,5мг (300.000 ОУН) витамин Д3 агуулагдана.
(хонины ноосонд агуулагдах ланолиноос гарган авсан)
Туслах бодисууд: Бутилжсэн гидрокситолуол, наран цэцгийн үрийн тос
Хэрэглэх заалт:
- ДЕВИТ-3 нь цайвар шар өнгөтэй, өвөрмөц үнэртэй 1 мл туншилтай тосон уусмал юм. Хайрцаг бүрт 1мл-ийн хэмжээтэй 50 эсвэл 100 ширхэг туншил агуулагдана. Нэг мл туншил тус бүрт витамин Д3 идэвхт бодисыг агуулна.
- ДЕВИТ-3 бэлдмэлийг зөвхөн ходоод гэдэсний замын шимэгдэлт алдагдах эмгэгтэй витамин Д-н дутагдалтай өвчтөнүүдэд хэрэглэнэ.
Хэрэглэх арга: Девит 3-ыг булчинд тарьж хэрэглэхийг зөвлөдөг хэдий ч кальци бага шимэгддэг булчинд тарьж хэрэглэх ёстой.
ДЕВИТ-3 50.000 ОУН/15мл дусал
Идэвхтэй бодис: 15 мл (нийт савлагаа) савлагаа бүрт 1,25мг=50000 ОУН витамин Д3 агуулагдана.
(хонины ноосонд агуулагдах ланолиноос гарган авсан)
Туслах бодисууд: Бутилжсэн гидрокситолуол, наран цэцгийн үрийн тос
Хэрэглэх заалт:
• ДЕВИТ-3 нь Витамин Д3-г идэвхт байдлаар агуулдаг. Витамин Д3-г хонины ноосонд агуулагдах ланолиноос гарган авсан.
• ДЕВИТ-3 нь 20мл-ийн шилэн саванд дусаагуурын хамт савлагдсан.
• ДЕВИТ-3-г витамин Д-гийн дутагдлыг эмчлэх, нөхөх ,урьдчилан сэргийлэх зорилгоор хэрэглэнэ .
Хэрэглэх арга: ДЕВИТ-3-г амаар ууж хэрэглэнэ.Амаар ууж хэрэглэх нь хөхөөр хооллож буй хүүхдүүд эсвэл тариагаар хэрэглэх боломжгүй хүмүүст тохиромжтой . Хөхөөр хооллодог хүүхдүүдэд нэмэлт тэжээлд нь хольж хэрэглэж болно.
Шинэ төрсөн нярай 400 ОУН/хоног
1 сараас – 1настай 400 ОУН/хоног
1-10 настай 400-800* ОУН/хоног
11-18 настай 400-800* ОУН/хоног
Насанд хүрэгчид 600-1500 ОУН/хоног
-1000 ОУН хүртэл нэмж болно
6-8 долоо хоног хүртэл хэрэглэж болно
Хэрвээ долоо хоногт нэг удаа хэрэглэхээр бол 50000 ОУН тунг 6-8 долоо хоног